New Delhi, July 29 : Vicky Kaushal laga latest release huwa film Bad Newz laga opening bhal hoisey. Tailaga dance number ‘Tauba Tauba’ tu bisi mashoor hoisey. Etu film laga kamayi laga suruwat tu release huwa laga first weekend(Saturday aro Sunday) para bisi bhal jaisey. Kotey etu film Rs 29.7 crore kamaisey aro release huwa laga first hapta te pura puri Rs 42.85 crore kamaisey.
Etu Vicky Kaushal, Ammy Virk aro Triptii Dimri thaka film tu release huwa laga 10th din te Rs 50 crore opor kamaisey.
Etu film laga total kamayi tu etya Rs 52 crore asey.
Etu film tu aha hapta para Neeraj Pandey para direct kora Ajay Devgn aro Tabu laga film ‘Auron Mein Kahan Dum Tha’ lobogey competition face kuribole asey. Nag Ashwin laga Kalki 2898 AD laga kamayi tu release hoikina box office te ek moina hoija laga bawajut bisi strong chuli asey. Vicky Kaushal ke etya Chhatrapati Sambhaji Maharaj laga zindigi te bana film ‘Chhava’ te dikhibole asey. Kotey tai main role kuri asey. Aro Rashmika Mandanna tu Vicky laga pair(jori) hobole asey. Utu homoitey, etu film tu Allu Arjun laga ‘Pushpa- The Rule’ logotey clash hobole(takrabole) asey.
Add Comment