New Delhi, August 08 : Naga Chaitanya aro Sobhita Dhulipala tu August 8 te Naga Chaitanya laga Hyderabad te thaka ghor te engage hoisey. Etu engagement ceremony tu etu mota-maiki laga parivar aro sathi khan laga mojudgi te hoisey.
Naga Chaitanya tu poila te actress Samantha Ruth Prabhu ke shaddi hoikina thakisey. Taikhan laga divorce tu 2nd October 2021 te hoisey. Nutun engage huwa couple Naga Chaitanya aro Sobitha Dhulipala tu Naga aro Samantha laga divorce hoikina olop moina huwa picheyte lok paisey. May moina faley Naga aro Sobitha ke Hyderabad te eksath dikhisiley kotey Sobhita tu tailaga film, ‘Major’ promote kuri thakisey.
Naga Chaitanya laga baba aro South actor Nagarjuna Akkineni para engagement ceremony laga picture X(poila te Twitter) te share kurikina koisey ki etu engagement tu phujur 9:42 am te hoisey. Tai para etu couple ke badhai disey.
Reports hisap te, Sobitha kun Hyderabad te film laga promotion nimitey thakisey tai tu tailaga birthday Naga Chaitanya aro kunba sathi khan logotey manaisiley. Aro utu homoitey taikhan duijun ek-dusra ke poson kurisey aro bujisey. Taikhan laga dosti tu aro bisi majboot hoijaisey. Aro utu homoi para taikhan duijun date kora suru hoisey.
Naga aro Sobitha tu taikhan laga parivar laga asirvad paikina ekta traditional ceremony te engage hoisey.
Add Comment