August 8, 2024: Nagaland Disaster Risk Reduction Roadmap (NDRR) 2023-2030 deh two-day workshop, kuto United Nations International Children’s Emergency Fund (UNICEF) lokot collaborate kuri nah Nagaland State Disaster Management Authority (NSDMA) para organize kuri shae, etu tho Capital Convention Centre, Kohima deh shuru kuri shae, 8th August 2024 din deh.
Advisor, New & Renewable Energy and NSDMA, Z. Nyusietho Nyuthe para taila speech deh Nagaland tho sobse vulnerable zone deh ase kui shae aro mati tho komsor ase kui shae, Tai para Nagaland tho landslide, flood, earthquake, forest fire aro wind nishi nah disaster risk kan lokot deh exposed ase kui shae. Tai para Chief Minister aro Chairman NSDMA, Neiphiu Rio laka leadership pitor deh NSDMA para Nagaland Disaster Risk Reduction Roadmap banai shae kui shae, enaka nishi risk para Nagaland keh bacha bo karne. Tai para NDRR tho ekta policy document ase kui shae, kuto state deh long term resilient achieve kuri bo karne designed ase kui shae.
Joint Chief Executive Officer NSDMA, Johnny Ruangmei para taila welcome address speech deh Nagaland Disaster Risk Reduction Roadmap deh workshop tho, practical guidance kan keh provide kuri bole aim ase kui shae, disaster lkaa impact tho komti kuri bole action kan lubo karne.
(Kazuhito Kibami, IA)
Add Comment