August 8, 2024: Subroto Cup 2024 Junior Girls U-17 deg, Nagaland Junior Girls U-17 kan Sainik School Sambalpur laka against 5-1 jiti shae, taikan laka pool-G match deh. Etu match tho BR Ambedkar Stadium, New Delhi deh kili shae, 8th August 2024 din deh.
Mhalo para chartha goals gusai shae aro Akhrienuo para aro ekta add kuri shae, match kila time deh. Etu jita nah, Nagaland team tho Pool G group laka second position deh kotom kuri shae,7 points lokot deh, kuto NCC Mizoram para top kuri shae. Nagaland team kan goal difference para quarter finals tho miss out kuri shae.
Nagaland U-17 Girls Football team karne tea, manager. William Kuso para taila kushi tho express kuri shae, tournament deh team laka performance karne. Aro etu tho team karne ekta bhal exposure aro experience taki shae kui shae. Tournament time deh, Nagaland U-17 Girls team tho Pool G deh grouped taki shae, NCC Mizoram, Sainik School Sambalpur aro Airforce School New Delhi lokot deh. Airforce (AF) School New Delhi laka against match time deh, Nagaland kan 2-0 jiti shae. NCC Mizoram laka against 0-0 draw kuri shae aro Sainik School, Sambalpur laka against 6-1 para kotom kuri shae.
(Dy. Directo & IA, New Delhi)
Add Comment