New Delhi, August 09 : American rapper Travis Scott ke Friday te George V hotel laga bahar te ekta security guard logotey behes kora nimitey arrest kurisey. Reports hisap te, Paris public prosecutor laga office para koisey ki George V hotel laga security guard para Travis Scott ke tailaga bodyguard para alag kuridibole kosis kora homoitey tai para etu guard logotey gusa dikhaisey.
Reports hisap te Travis tu bisi nisha laga halat te thakisey. Aro jitya taikey ekta breathalyzer test(ekta manu para saas chora homoitey haw ate kiman alcohol asey etu laga measurement) submit kuribole kuwa homoitey kotha mana nai.
Shaam fale, Travis Scott para Olympics basketball tournament laga semi-final sabole jaisiley kotey tai para French team para Germany ke haraidiya dikhisey.
Travis Scott Paris te arrest huwa tu dui moina agyete Miami te huwa ekta ghotna laga yaad dilaisey. June te Travis Scott ke Miami Beach te nisha hoikina hungama kora aro permission nathakikina ekta yacht(nao) te gusa nimitey arrest kurisiley. Taikey arrst kora tu etu yacht te kaam kora team logotey behes kora nimitey thakisey. Picheyte taikey $500 aro $150 fine loikina bail te charidisey.
Add Comment