August 09, 2024: Itu Dimapur District Task Force para Single Use Plastic opor tey, ekta meeting loishey, 8th August, 2024 tey, Deputy Commissioner laga Conference Hall tey para, Dimapur laga, kuntu toh hoiley ADC, Dimapur, Mhalo Humtsoe para chair kurishey, itu sob stakeholder khan logotey.
Itu chairperson para itu government-mandated ban enforce kuriboley laga importance toh emphasize kurishey, single-use plastic khan opor tey. Itu task force para ekta sub-committee banaboley raazi kurishey, aru itu pichetey hudai bhal para sai jaboley laga kotha hoishey, kotey galti kuria manu khan ke toh 10,000 laga daam laga poisa fine loboley asey first time dhuriboley parishey koiley, aru dusra bar tey toh 20,000 hobo koishey. Ekta formal order toh hoiley notify kuriboley asey, itu single use plastic khan laga pura puri ban kuridiboley laga toh, fine khan penalty khan milai kena, non compliance nimitey.
Itu task force para ekta – bhota manu khan ke aware kuridiboley laga campaign launch kuriboley asey, IEC material khan, print media, church khan aru school khan chulai kena, itu public khan ke inform kuriboley, single use plastic khan opor tey aru tai khan laga alternative khan laga. Aru itu logotey, directive khan issue kuriboley asey, churches, event organizers, aru hotel/venue owner khan ke, single use plastic khan rukhaboley, tai khan laga premises tey, public khan toh itu laga demand kuria toh komti hoi jaboley.
Itu DTF para itu bhi inform kurishey ki, SUP Public Grievances App “SUP-CPCB” toh hoiley develop kuri loishey, CPCB para, kotey kun kun citizen khan para hoilebi ekta complaint lodge kuriboley parey, judi tai khan ban kuri kena thaka item khan dikhishey koiley.
Add Comment