Sunny Deol para ‘Gadar 2’ tu tailaga jibon laga ekta ‘revolution’ asey koisey

New Delhi, August 11 : Gadar 2 tu tailaga jibon laga ‘revolution’(ekta dangor bodli) asey koikina, superstar Sunny Deol para Sunday din te fan khan ke etu blockbuster film laga one-year release anniversary te morom dikha nimitey fan khan ke dhanyabad disey. Etu film te Ameesha Patel aro Utkarsh Sharma bi asey. Etu film tu 2001 te release huwa blockbuster ‘Gadar: Ek Prem Katha’ laga second part asey.  Anil Sharma para direct kora ‘Gadar 2’ film tu theatre te August 11, 2023 te release hoisiley. Etu film tu 1971 te India-Pakistan majotey war hoithaka laga homoi laga bari te banaisey. Etu film juwa saal laga sobsey bisi kamai kora Hindi film asey. Kuntu para duniya bhor te box office te Rs 600 crore opor kamaisey. Gadar 2 te, Sunny Deol laga Tara Singh tu tailaga jali te thaka chokra Charanjeet ‘Jeete’ Singh (kuntu laga role Utkarsh Sharma para kurisey), taikey churaikina loijabole nimitey Pakistan te wapas ahey.  Etu film laga first part tu India-Pakistan bhak huwa homoitey set kora laga thakisey. Ameesha Patel, kun para etu film laga second part te tailaga role wapas nibhaisey, tai para bi fan khan ke dhanyabad jataisey. Etu film ke Zee Studios para sponsor kurisey.