2018 te flop huwa film Laila Majnu film tu re-release tu box office laga original  collection paar kuribole asey

New Delhi, August 11 : Actor Avinash Tiwary aro Triptii Dimri laga Laila Majnu tu 6 years ageyte release huwa homoitey suru te  box office te flop hoisey parey, hoilebi etu picheyte streaming platform (jaiseki Netflix khan) aro juwa olop saal te  instagram te viral huwa reels nimitey ekta dedicated following paisey. Etu film tu 2018 te release huwa ekta romantic drama asey. Etu film ke Sajid Ali para ekta purana jamana laga kahani laga basis te direct kurisey. Etu film tu online platform jaiseki Netflix, Youtube, instagram khan te bisi dangor fan base banaisey. Etu para hosla paikina Lila Majnu tu theatre te August 2024 te wapas ahisey. Etu laga suruwat tu Kashmir te ekta single screen logotey hoisey. Kahmir te josh para bharikina thaka jawab pa picheyte etu film ke pura desh te aro re-release kurisey. Etu film laga re-release te first din(August 09) te Rs 30 lakh kamaisey. Etu picheyte second din te kamayi tu 110% bisi barijaisey. Enaka hoikina dui din dui-din te total Rs 1 crore maan kamaisey. Weekend te  kamayi tu Rs 2 crore maan pungchibole akha kuri asey. 2018 te jitya etu film first time release hoisiley, etu film tu India te pura puri  khali Rs 2.72 crore hey kamaisiley aro duniyabhor te total Rs 3.40 crore kamaisiley. 2018 te etu film fail huwa para duijun actor ke bi eman monduk kuridisiley. Hoilebi etya etu film laga ke re-release kora aro audience para etu film ke appreciate kora para mon te rahat laga ekta ehsas anidisey. Avinash para s etu film tu kinaka manu khan laga dimag para kitya bi olaijanai aro taikhan para dangor screen te etu ke wapas anisey etu share kurisey.