New Delhi, August 13 : Hindi cinema nimitey etu hapta tu lamba aro bhir-bhar thaka laga hobole asey. Independence Day din te 3ta dangor film release hobole asey. Aro expert khan para akha kuri asey ki etu para release hobole thaka film “Stree 2”, “Vedaa” aro “Khel Khel Mein” ke box office te bhal business kuribole modod kuribo, ek dusra laga collection ke affect kora laga bhoi thaka bawajut bi.
“Stree 2” tu 2018 te hit huwa horror comedy “Stree” laga second part asey. Kuntu te Rajkummar Rao, Shraddha Kapoor aro Pankaj Tripathi asey. Jabki “Vedaa” te John Abraham aro Sharvari asey.
Superstar Akshay Kumar, kun bisi bar August 15 te patriotic(desh bhakti) aro social drama laga film release kurisey tai tu thriller comedy “Khel Khel Mein” logotey theatre tea hi asey. Etu sob movie khan tu 5-din laga weekend(Kilemaney August 19 te bi Raksha Bandhan celebrate korey) te audience khan laga attention pabole ek-dusra logotey chuchi asey . Hoilebi “Stree 2” tu safi safi release hobole thaka favourite film hobole nisna asey aro etu laga opening tu bhal hobole asey.
Add Comment