New Delhi, August 14 : Shraddha Kapoor aro Rajkummar Rao laga film ‘Stree 2’ kuntu te Pankaj Tripathi, Aparshakti Khurana, Abhishek Banerjee bi asey etu film tu August 15 te theatre te release hobole asey. ‘Stree’ tu 2018 te release hoisiley. Etu tu ekta horror comedy film asey kuntu ke audience para khusi paisey. Etu film ke Amar Kaushik para direct kurisiley. Etu film te Chanderi koikina ekta town asey kotey ekta atma para mota khan ke kidnap korey.
Etu film laga part 2 ‘Stree 2’ para etu kahani ke agey loijai aro part 1 te etu film kotey khotom hoisey etu ekey point para suru hobo.
Stree 2 tu etu saal laga sobsey dangor box office opener(matlab release huwa laga din te box office te sobsey biis kamai kuribole) akha kuri asey. Aro report khan para dikhaisey ki etu film tu first din te Rs 40 crore opor kamabo.
Etu film tu John Abraham laga film ‘Vedaa’ aro Akshay Kumar laga film ‘Khel Khel Mein’ logotey ekey din te release hobole asey. Hoilebi etu duita film para eku josh jagabole paranai.
Add Comment