August 14, 2024: GPRN / NSCN Ato Kilonser – N. Kitovi Zhimomi para Naga National Movement laga history opor tey kotha koishey. 16th Point Agreement para kunba shanti ani kena thakishey, Nagaland tey, hoilebi bisas nathaka laga hoi jaishey, Naga manu khan bhitor tey, Kitovi para koishey. Itya right time asey, sob Naga manu khan nimitey, unite kuriboley karney aru ekta solution bisariboley, tai para koishey. WC, NNPG para toh hoiley agreed position sign kurishey, GoI logotey, Naga manu khan laga future bachaboley.
Kitovi para Naga manu khan ke appeal kurishey, GoI ke pressure diboley, ki nimitey agree hoishey utu implement kuriboley, principle tey. Judi moi khan moi khan, moi-khan-laga future ke nabachaishey koiley, moi khan toh Myanmar & Bangladesh khan nishina situation face kuribo. GPRN/ NSCN Unification camp toh hoiley official para declare kurishey, itu 2010 laga saal tey.
Kunba leader khan para nabujey kiley tai khan toh Naga manu khan ke unite kuriboley lagey, kiley koiley tai khan toh hoiley tai-khan-laga personal agenda nimitey join kuria laga asey. Tai para manu khan multiple taxation opor tey bhi hala kuria laga acknowledge kurishey, tai para koishey ki, Naga manu khan aji laga din tey toh gusa hoboley sob right asey.
Add Comment