Nagaland

NVBDCP Para Dengue Bukhar Tey, Kuriboley Laga Aru Nakuriboley Laga Kotha Janai Asey, Public Laga Health Nimitey

August 15, 2024

August 14, 2024: Itu public health laga interest tey, itu National Vector Borne Disease Control Program (NVBDCP), Directorate of Health aru Family Welfare Kohima para toh hoiley ekdam- jaroori laga guideline khan issue kurishey, manage kuriboley aru prevent kuriboley, Dengue laga bukhar lagishey koiley. Itu advisory toh hoiley Nagaland tey thaka manu khan ke bachaboley karney aim kurishey, itu Dengue laga Bukhar hoa para effect hoa para, aru itu bimar toh aru bariboley para komti kuriboley.

Kuriboley laga: 

  1. Rest kuriboley lagey: Itu bimar hoa manu ke bishi rest kuriboley diboley lagey, gaaw toh recover kuri thaka laga homoi tey.
  2. Hydrate thakiboley lagey: Pani bishi khaboley lagey, nijey ke hydrate rakhiboley.
  3. Dawai: Bukhar komti kuriboley laga dawai khaboley lagey, paracetamol nahoilebi acetaminophen khan nishina, itu health care professional para advise kuria hisap tey.
  4. Doctor dikhabi: Phat para docot ke dikhaboley lagey, judi khun ula shuru hoishey koiley, mukh, naakh, pisap nahoiley paikhana tey.
  5. Nijey alag manu khan para durr thakiboley lagey, aru itu bimar toh manu ke nalagiboley.

Nakuriboley laga: 

  1. Nijey Nijey para dawai pani nakuribo: Nijey para dawai pani nakuriboley lagey nahoiley, itu bimar opor tey najana manu logotey treatment nimitey nahudibi.
  2. Dawai khan karney husiyar: Ibuprofen, Aspirin, aru Naproxen sodium nachulabi, kiley koiley itu dawai khan para khun ulaboley bishi risk asey.
  3. Komti hila hili kuribo: Dukh pawa laga kaam nahoilebi kaam khan nakuriboley lagey, aru biya nakuridiboley gaaw laga condition toh.
  4. Mukh laga care: Judi mukh para khun ula shuru hoishey koiley, mouthwash chulabi, data tey brush namari kena.
  5. Dengue laga bimar man uke lok kuria homoi tey: Precaution lobi, mochor khan kamriboley tey para tatey laga aas paas tey para, utu manu toh Dengue laga bukhar pai kena thaka homoi tey, itu para saboley jawa manu bhi bimar lagi jabo.

Aru kiba information khan lagi asey koiley, itu local health authority nahoilebi Dengue Helpline number +917630932527 tey phone kuribi.