New Delhi, August 15 : Shraddha Kapoor aro Rajkummar Rao laga film ‘Stree 2’ tu Bollywood te preview(advance show) te sobsey bisi poisa kamaisey. Etu film tu Independence Day laga occasion te release hoisiley. Etu horror-comedy film tu box office te bisi dangor hit hobole nisna asey. Aro etu film tu etu saal laga Bollywood laga best opener hobole laga expectation bisi barikina asey. Stree 2 laga kamayi tu release huwa laga weekend te te Rs 100 crore opor hobole nisna asey.
Shraddha Kapoor aro Rajkummar Rao laga etu film para Rs 27.45 crore kamaisey India ekla te Rs 8.2 lakh opor ticket bikri kurikina. Stree 2 tu Bollywood film laga etu saal laga advance booking huwa number te ekta nutun ucchayi te pungchisey. Etu film para Akshay Kumar laga film Khel Khel Mein aro Joh Abraham laga film Vedaa duita laga bi advance booking laga kamayi ke asani para paar kurisey. Advance booking te Khel Khel Mein tu Rs 1.54 crore aro Vedaa tu Rs 1.49 crore kamaisiley.
Stree 2 para opening din(release huwa din) te bisi bhal business kurisey. Etu film tu public khan nimitey August 14 laga rati 9:30 pm picheyte open nohoilebi sabole available hoijaisey. Etu film laga opening bisi bhal huwa tu interest baraidiya laga kahani aro Pankaj Tripathi, Aparshakti Khurana aro Abhishek Banerjee nisna ekta talented cast shamil thaka nimitey bi asey kun para etu film te ekta special touch disey.
Add Comment