Assamese musician Baba laga gana ‘Hold Me Tonight’ tu iTunes US pop charts te No 1 spot te pungchisey

New Delhi, August 18 : New Delhi te boha multi-instrumentalist(bisi alag alag instrument bajabole para) Baba laga latest English single gana ‘Hold Me Tonight’ tu iTunes US pop chart te number one spot te pungchisey. Etu singer-songwriter aro producer para world indie charts te bi dhamal machaisey. Kotey etu gana tu music baja app te 13^th spot te pungchisey. ‘Hold Me Tonight’ gana tu anxiety(chinta kora) laga experience laga bari te aro kinaka etu para manu khan ke taikhan laga morom thaka manu khan para dur kuridiye kuntu para dukh ke aro gehra kuridiye etu laga bari te asey. Etu gana tu etu pattern ke bujikina zindigi aro rishta khan behtar banabole nimitey ekta bodli ana laga bari te asey.” Ekta gehra soch te dhalidiya lyrics, kuntu para amikhan laga bhitor te thaka problem aro biya adat khan aro bodli anibole laga kosis ke explore korey etu logotey etu gana tu ekta hunibole bhal lagiya tune para bi barikina asey. Etu gana tu August 15 te iTunes (gana huna app) te top te pungchisey. Baba para etu gana laga music video tu nijor para direct kurisey. Tai para ekla produce kora etu gana laga video te zindigi laga sobsey biya homoi para ekta hope(akha) ola laga bari te dikhaisey.  Etu musician Baba laga asol naam tu Abhiruk Patowary asey. Tai tu chutu thaka homoi para music nimitey ekta  passion(josh) develop kurisey aro alag alag instrument play kora suru hoisey aro alag alag music style logotey experiment kurikina, akhirkar alag alag genre(music style) ke milaikina ekta signature sound banaisey.