BTS laga Suga para nisha halat te gari chola laga case te aro ekta maafi manga laga note likhisey

New Delhi, August 25 : BTS member Suga kunlaga asol naam Min Yoongi asey, tai  ekta nisa laga halat te gari chola laga ghotna huwa picheyte fan khan ke maaf mangibole nimitey aro ekta lamba note likhisey. Suga para Sunday din te Weverse(South Korean mobile app) te Sunday din te tai para tara tari te post kora first apology(maafi manga) laga bari te samjhaisey. Suga para koisey ki tai para fan khan ke monduk kuridiya aro BTS laga naam te pressure banaidiya nimitey regret kuri asey. Etu South Korean rapper(Suga) ke August 6, 2024 te nisha halat te ekta electric scooter cholai thaka dhora logotey picheyte tailogotey etya investigation chuli asey.  Suga para maafi manga laga note te enaka likhikina thakisey, “Hello, ami Suga asey. Ami para apnikhan ke aro ekbar sorom khaikina maafi mangibole mon asey. Ami pura mon para amilaga fan aro amikey morom kora khan ke amilaga beybohar para monduk pungcha aro mon bikhaidiya nimitey maaf mangi asey. Apni khan laga taraf para ami morom pa tu apni khan ke wapas dibole laga zimidari pahorijaikina ami bisi dangor golti kurisey. Olop din ageyte BTS agency BigHit Music para Suga laga mudu khaikina nisa halat te gari chola laga case tea lag statement issue kurikina taikhan bhitor te baat chit kora te golti huwa nimitey galat  khobor diya nimitey maaf mangisiley.