Telugu Star Nani tu Amitabh Bachchan laga dangor fan asey koisey

Mumbai, August 25 : Telugu Star Nani tu Bollywood ke khusi pa kinaka suru hoisey etu bisi bhal para yaad asey. Nani tu etya tak bi Hindi film te act koranai. Tai para koisey ki tai baccha thaka homoitey Amitabh Bachchan laga film ‘Agneepath’ saisey aro etu picheyte tai kitya bi pichey hatanai. Nana para Press Trust of India(PTI) ke ekta interview te koisey, “Ami tu yatey thaka manu khan para bi bisi Hindi film saisey. Ami kitya bi Hindi film sai tatey kunba bisi bhal director khan thakey kun logotey ami kaam kuribole mon asey. Ami Bachchan sir laga ekta dangor fan asey. Ami laga movie nimitey interest thaka aro film banabole mon ja…Aro performace nimitey bi ‘Agneepath’ tu picheyte  amilag zindigi te ekta bisi dangor role nibhaisey.  Jaiseki, jitya ami para kuribole thaka character nimitey ekta intensity lagey….Ami hodai ‘Agneepath’ nisna script bisarey, etu tu amilaga baccha time laga ekta kotha asey.” Nani para koisey ki Agneepath para taikey movie laga bari te bisi jankari thaka manu banaidiya hey nohoikina taikey bisi kahani bi likhibole inspire kurisey kuntu te ekta thriller(crime shamil thaka khani) bi shamil asey.