New Delhi, August 27 : Dia Mirza aro R Madhavan laga film ‘Rehna Hai Tere Dil Mein’ tu theatre te re-release hobole asey. Audience khan majotey mashoor Hindi film wapas sa laga interest bari thaka logotey, ‘Rehna Hai Tere Dil Mein’ tu cinema te aro ekbar release hobole asey. Etu film ke produce kora production company Pooja Entertainment para etu romantic drama ke re-relase kuribole announce kurisey kuntu te Madhavan aro Dia thakisey.
‘Rehna Hai Tere Dil Mein’ tu 2001 te release hoisiley. Etu film tu Dia Mirza aro R. Madhavan laga first Bollywood film thakisey. Madhavan tu Tamil, Kannada aro English film aro Hindi serial khan te bi kaam kora picheyte Hindi Cinema te etu first film kurisey. Etu romantic film ke, Gautham Vasudev Menon para direct kurisey. Etu tu Gautham Vasudev Menon nijor laga Tamil film ‘Minnale’ laga remake thakisey kuntu bi ekey saal te release hoisiley. Tamil version te, Madhavan laga character ti Abbas para aro Dia laga character tu Reema Sen para kurisiley. Tamil aro Hindi duita laga movie script ke bi Gautham aro Vipul D Shah para milikina likhiisley. Etu film tu, eney olop solop success huwa laga bawajut bi etu laga mashoor ganna nimitey ekta sensation hoisey. ‘Sach Keh Raha Hai’, ‘Dil Ko Tumse’, ‘Zara Zara’ aro etu film laga title track laga alag alag version ke utu zamana laga manu khan bisi khusi paisey.
Add Comment