Farhan Akhtar laga nutun gana ‘Reach For The Stars’ olaisey

New Delhi, August 29 : Filmmaker aro actor Farhan Akhtar para audience khan ke lagatar tailaga singing talent logotey surprise kuridiye.

Thursday din te, tai para tailaga nutun gana ‘Reach For The Stars’ release kurisiley. Farhan laga kara awas aro ekta rock band laga ucch awas combine kurikina, etu gana tu hunibole bisi bhal asey.

Farhan para etu gana nimitey khali tailaga awas ekla diya nohoikina etu gana laga music bi compose kurisey aro etu gana laga lyrics bi likhisey.

Etu gana laga link tai para instagram te share kurisey.

Etu majotey, Farhan tu etya ekta film laga shooting nimitey  Ladakh asey.

Farhan para etu film laga naam tu mention koranai. Hoilebi fan khan para enaka andaza lagai asey ki tai tu tatey Don 3 nohoilebi Zindagi Na Milegi Dobara 2 nimitey asey.

Farhan tu Ladakh jaga eman khusi pai.  Tailaga 2004 te release huwa film Lakshya aro 2013 te release huwa film Bhaag Milkha Bhaag laga shooting bi Ladakh te hoisiley.

Farhan tu bisi homoi picheyte ‘Don 3’ logotey director laga chair te wapas ahi asey. Etu film te Ranveer Singh aro Kiara Advani main role thakibole asey.

August 2023 te Farhan para ekta special announcement video te etu reveal kurisiley ki Don laga part 3 te nutun Don tu Ranveer Singh hobole asey.