New Delhi, August 30 : Kangana Ranaut laga nutun political(rajneetik) film ‘Emergency’ te sensitive theme thaka nimitey behes olaidikina asey. Etu film tu, poila laga Indian Prime Minister Indira Gandhi laga jibon laga kahani te bana asey. Etu film tu first te clearance paisiley hoilebi CBFC para etu ke hold te rakhikina asey. Kangana para tailaga social media account te post kora ekta nutun video te koisey ki tai para direct aro act kora film ‘Emergency’ tu censor board para certification pabole baki asey.
Kangana para CBFC logotey tailaga film laga jhamila chola laga bari te kotha kuri thaka homoitey ki enaka bisi khobor olai asey ki amilaga film Emergency ke Censor Board para certify kurisey. Etu tu hosa nohoi. Aro koisey ki taikhan laga film tu CBFC para clearance tu paisey hoilebi censor board laga member khan eman taikhan ke moraidibole laga dhomki pa nimitey certification pabole delay hoisey.
Kangana para koisey, “Amikhan laga opor te etu film te Mrs Gandhi, Bhindrawale ke moraidiya laga bari te aro Punjab laga jhamila laga bari te nidikhabole laga pressure asey. Etu para sawal khara korai asey- Ami najana hoisey ki etu film te ki dikhabo ki etu film tu achanak para blank hoijabo. Etu tu ami nimitey ekta biswas kuribole napara laga homoi asey. Aro ami etu desh te chuli thaka halat nimitey bisi monduk asey.
Add Comment