Rajkummar Rao para tailaga ahibole thaka film laga title announce kurisey

New Delhi, September 01 : Rajkummar Rao laga nutun release huwa film ‘Stree 2’ bisi dangor success huwa picheyte, tai tu tailaga next project nimitey tayari kuri asey, kuntu tu ekta action film asey. Tailaga birthday laga occasion te, Rajkummar para tailaga nutun film laga title janaisey. Aro etu tu ‘Maalik’ asey. Etu film ke Pulkit para direct kuribole asey. Rao para etu project laga bari te olop jankari disey. Etu film te Tips Films aro Northern Lights Film para poisa laga support di asey.  Tailaga latest post te, Rajkummar Rao para akhirkar etu nutun film laga ekta poster release kurisey aro koisey ki etu laga shooting suru hoijaisey.  Etu film laga director Pulkit tu Bhumi Pednekar laga film Bhakshak aro Dedh Bigha Zameen direct kora nimitey mashoor asey. Etu nutun film ‘Maalik’ ke Kumar Taurani para Tips Films banner aro Jay Shewakramani laga Northern Lights Films under te produce kuri asey.  Rajkummar tu etya Stree 2 laga success enjoy kuri asey. Tailaga alava Stree 2 te Shraddha Kapoor, Pankaj Tripathi, Aparshakti Khurana aro Abhishek Banerjee bi asey. Etu film tu box office te bisi bhal perform kurisey. Aro dusra desh khan  te Rs 600 crore opor kamaisey. India te etu film tu Rs 450 crore laga mark ke paar kurisey. Aro etu para etu film ke Bollywood laga etya tak laga sobsey dangor film khan majotey ekta banaidisey.