Thalapathy Vijay laga film  GOAT tu duniyabhor te advance sales te Rs 16 crore kamaisey

New Delhi, September 03 : Action film ‘The Greatest of All Time’(GOAT) tu Thalapathy Vijay laga tai politics laga career suru kuribole ageyte second last film hobole nisna asey. Etu Tamil Star tu tailaga etya tak laga sobsey dangor hit film ‘Leo’ para hati asey kuntu ke Lokesh Kannagaraj para direct kurisiley. Aro tailaga nutun film ‘GOAT’ para expection bisi uccha hoikina asey. Advance ticket sales data para suggest kurisey ki box office te Vijay para aro ekta dangor opening expect kuribo parey.  Leo tu ek din bhitor te pura India te Rs 76 crore opor kamaisey.Sacnilk laga hisap te etu film para already first din nimitey Rs 11 crore laga ticket bikri kuridisey. Blocked seat logotey etu number tu Rs 14.6 crore opor khara kuri asey. Etu total kamayi para Rs 11.2 crore tu Tamil bhasa kotha kora laga jaga para ahisey kotey ticket khan tu Rs 208 laga average daam para bikri kuri asey. Telugu bhasa chola jag ate etya tak Rs 7 lakh maan laga ticket bikri hoiseyGOAT para etya tak 5.4 lakh opor ticket bikri kurisey. US te, GOAT para Rs 5.5 crore para bisi laga ticket bikri kurikina Vijay laga ‘Beast’ film laga advance record already beat kuridisey. Etu film ke Venkat Prabhu para direct kurisey. Report hisap te, etu film ke Rs 300 crore opor laga budget te banaisey. Etu film tu September 05 te release hobole asey.