Aruna Vasudev, Film Critic Aru Author 88 tey murishey

NEW DELHI: Eminent film critic, curator, aru author Aruna Vasudev, ‘Asian cinema laga amma’ koi thaka toh, Thursday morning tey local hospital ekta tey murishey age-related complications karne, tai laga sathini para confirm kura hisab tey. Aruna Vasudev, 88, toh multi-speciality hospital ekta tey treatment loi thaki asey le jaa teen (three) haphta khan karne. “Tai olop time karne gao thik thaka nai. Tai ke Alzheimer thakishey aru alak old age-related health issues khan para bi dukh pai thakishey. Tai aji phujor hospital tey murishey,” Neerja Sarin para PTI ke kuishey. Aruna Vasudev toh late diplomat Sunil Roy Chowdhury laga maiki thakishey. Tai toh tai laga chukri graphic designer Yamini Roy Chowdhury, para survive kuri na asey, kun toh politician Varun Gandhi ke shadi kuri kena asey. Last rites khan Lodhi Road crematorium tey 3 pm karne schedule kurina asey. Pre-independent India tey jonom hui, Aruna Vasudev laga journey tai ke humble beginnings para global cinema tey prominent figure ekta hoa tak loi jaishey. Tai tai laga life pura tey bishi roles khan play kurishey – film critic, author, editor, painter, documentary maker, trustee, aru alak-alak  panels khan laga member – hodai Asian cinema ke jitai kena. Delhi tey thaka, Aruna Vasudev Cinemaya: The Asian Film Quarterly laga founder-editor thakishey. Tai toh Netpac, Asain films khan promote kura la international organisation ekta ke nearly three decades (30) ago establish kura karne bi chini thake. Social media toh Vasudev karne condolence message khan para bhorta thakishey.