September 17, 2024: Typhoon Yagi, kuto etu sal Asia deh aha sobse kara storm ase, etu storm para kom seh kom 226 manu keh murai di shae, Myanmar deh aro 500,000 laka upor manu keh affect kuri di shae. Enaka hua tho war-torn nation keh aro bia para duk di ase.
Torrential rains para rivers deh taka water levels tho uthai di shae aro enaka hua tho floods hui jai shae. Etu floods kan para infrastructure aro crops kan keh damage kuri di shae, 84 townships deh, Ministry of Information para kui shae. 70 laka upor manu kan hari nah ase, official data laka isap deh.
Pani para 158,000 ghor keh dubai dia tho aro 2,116 laka upor ghor keh bangai dia thom, hazar nishi nah manu kan safe taka jaka deh polai nai ase, government para kui shae.
Typhoon Yahi para over he bia para country keh affect kuri dia tho, junta chief Min Aung Hlaing para foreign aid laka ekta rare request banai shae. “Government laka officials kan foreign countries keh contact kuri bole lakeh, rescue aro relief aid babo leh karne,” state media para taike quote kuri nah kui shae. Myanmar kan itia takt ho 10 tons laka aid pai nah ase. Tateh para dry ration, clothing aro dawai kana se, kuto neighboring India para ahi shae.
Add Comment