Archana Puran Singh para koisey dusra cast members khan tai para double poisa pai

New Delhi, September 17 :  Archana Puran Singh tu ‘The Great Indian Kapil Show’ laga second season promote kuribole te busy asey. Tai tu ‘The Great Indian Kapil Show’ laga baki cast member Sunil Grover, Kiku Sharda aro Rajiv Thakur khan logotey Siddharth Kannan logotey baat-chit kuri thakisey. Kotey tai para share kurisey ki taikhan sob(Sunil Grover, Kiku Sharda aro Rajiv) tu tai para double tankha pai kilemaney taikhan aro bisi mehnat korey. Aro koisey ki tai tu kiman tankha pai etu logotey khusi asey kilemaney tailaga kaam tu show te khali hasibole laga hey asey. Jitya Archana ke taikey kitya bi tailaga hasa laga awas komti kuri koisey na nai koikina hudisey, tai para koisey, “Amikey amilaga hasa laga awas komti kuribole suggest kora manu etu prithvi te nathakibo parey!” Sunil para bich te koisey ki kunba para kinaka etu kobo parey jaabki tai hasibole nimitey poisa pai asey. Archana para hasikina etu ke agree kurikina matha hilaisey. Aro koisey ki tai tu enaka hasibole bisi khusi asey. Etu opor te, jitya taikey hudisey ki baki team member khan kitya bi jealous hoi na nohoi ki taikhan tu eman bisi make-up lagaikina lagatar react kuri thakibo lagey jabki Archana tu eney buhikina react korey, tai para koisey, “Taikhan double poisa kamai, toh taikhan mehnat tu kuribo lagibo. Kunba khan taikhan laga sundarta nimitey poisa pai, dusra khan taikhan laga talent nimitey hoilebi ami tu etu sob nimitey poisa pai”. “The Great Indian Kapil Show” laga Season 2 laga teaser tu juwa hapta release hoisiley. Etu te mashoor guest(aluhi) list jaiseki Alia Bhatt, Karan Johar, Vedang Raina, Jr  NTR, Janhvi Kapoor, Saif Ali Khan, cricketer Rohit Sharma aro ‘The Fabulous Lives of Bollywood Wives”  khan asey. Etu show tu September 21 para Netflix te ahibole asey