Manipuri actress Bala Hijam best actress award paishey

Imphal ; Manipuri laga film ” Lembi Leima “, toh bishi dangor hoijaishey aro award paishey. 4th Empty Space International Short Film Festival 2024 de, lead actress Bala Hijam Nigthoujam ke Best Actress Award dishey. Edu film toh Mayank Pratap Singh para direct kurishey. Producer toh Cicada film production aro RJ Star Production para kurishey. Film de star khan toh Bijou Thaangjam, Naveen Jagbir Sandhu, Khonykar Khuraijam, aro Niranjoy Luwangcha takishey.  “Lembi Leima” toh edu festival laga opening act takishey. Aro edu film toh etya tak de kisem kisem film festival de 45 awards pai kina asey. September 14 aro 15 de held kura laga festival de tai laga acting laga performance de inaam dishey. Edu award napa agi de edu film toh Northeast Film Festival, 2023 de Best Film (gold) award jiteshey. Edu laga opor de aro Best Indian Short film , best actress Aro best supporting actor laga award paishey, Sitannavasal International Film Festival 2022 de. Bala Hijam Nigthoujam para tai laga mehenet khan manu dikhe kina inaam diya toh khushi pai asey koishey. Tai khan laga film toh manu khan para recognize kura para Manipur laga Film Industry pe bara hopo koishey.