Matthew McConaughey ke alak dikhe asey koishey

Matthew McConaughey toh aji kali laga red carpet de dikhe kina tai laga fans khan shock de asey. Manu khan bishi koi asey ke tai plastic surgery kurikina takipo. Matthew toh aji kali public appearance takishey aro edu para manu khan tai ke jenepo napara hoishey koishey social media khan de. Manu khan bishi shock hoishey ke edu Oscar- jeta laga actor toh ekdum jenepo napara hoishey koikina. Tai New York de September 8 de 2024 Kering Foundation’s Caring for Women dinner de tai laga maiki Camila Alves lokot ahishey. Plastic surgeon ekta para MailOnline de koishey ke tai toh rhinoplasty kurishey koikina. Internet jola manu ekta para edu star laga red carpet laga video ekta post kuri kina koishey ke tai eman alak dikhe koikina. Tai laga caption de koishey, ” Matthew McConaughey toh thek hi asey hopola? ” Koikina. Aro alak user ekta para koishey ke, “Tai bishi kamjor aro bemar nishina dikhe”. Ekta user para toh actor laga jaa saal laga photo and etya laga photo post kure kina koishey, ” Kiley Matthew McConaughey toh alak dikhe? Khali ek saal laga difference he asey etu picture khan de”. Ekta plastic surgery doctor Mr Reza Nassab para toh koishey ke ” Moi toh Matthew McConaughey rhinoplasty surgery loishey koikina beswas nakurey. Moi laga bhapna de toh tai laga nak laga shape aro size khan alak hoi ja toh tai kamjor hoa karne hopo kinto tai laga shakal de dikhe pai asey”, enika koishey.