India laga Ammunition Ukraine dey ghusishey, juti Russia reserve kurishey

Ukraine, 19 September : Indian arms makers para pikai thakia Artillery shells ke European customers para Ukraine dey divert kurishey aro New Delhi para itu trade ke rukhawoley intervene kurianai juti Moscow para protest kurisheh, eleven Indian aro European government aro defence industry officials laga hisab dey, aro commercially available customs data laga Reuters analysis.Russia khilaf Ukraine laga defence ke support kuriboley itu munitions laga transfer toh ek saal upar karney hui asey, sources aro customs data hisab dey. Indian arms export regulations para declared purchaser ke hatiyar chulawoley limit kurey, kun para future sales ke terminate kuriboley risks lui juti unauthorised transfers huishey kuiley.Kremlin para itu issue kom se kom tuita occasions dey uthaishey, Russian Foreign Minister Sergei Lavrov aro tak laga Indian counterpart maju dey ekta July meeting homoi milaina, three Indian officials para kuishey.Itu ammunition transfers laga details ke Reuters para agey par karney report kuri asey.