Bombay High court pora Emergency film laka opor te fasla koreshe

Sep 19, 2024: Bombay laka high court pora Censor Board ke Kangana Ranaut laka director ke Emergence laka certificate depe koishe. Etu film te Kangana pora Indra Gandi laka neshena act korea. Etu film toh Sep 6 te release hobole takeshe. Hoilibhe etu film laka opor te kushin napa manu khan pora case lakgai deshe. Etu pora etu film to dekabole dere hoishe. Etu film release nahowa time te pora he dektar hoijaishe. MP laka court pora CBFC ke Sikh khan laka kota honebe koishe. Kele koile etu fim te Sikh khan laka beya kam kora neshena dekai ase. Etu film te sikh khan laka beya dekai teya pora duniya pora te peshi manu pora sikh khan beya ase pahphebo. Etu pora Sikh khan pora etu film toh jolaboe netebole lakhe koishe. Kele koile enaka film pora ekjun ekjun betor te aro beya pa shuru hobo pare koishe.  Etu case toh Ravinder Singh Bassi pora deshe. Tai toh ekta advocate ase. Aro tai toh NGO Lawyers laka president ase. Etu film toh Kangana Ranaut pora he direct koreshe. Etu film te s Anupam Kher, Mahima Chaudhary, Milind Soman, Shreyas Talpade, Vishak Nair, aro kon more jaishe  Satish Kaushik bhe etu film te ase. Etu Emergency laka film toh porana Primeminister Indira Gandi laka ekta kahani ase koishe. Etu toh 1975 laka sal te Emergency howa laka ase koishe.