September 20, 2024: Tuesday din deh pagers kan, kuto Hezbollah members kan para chui taki shae, etu pagers kan tho sob eki lokot deh puti jah tho kom seh kom noh jun muri jai shae aro 3,000 nishi nah manu kan jokom kai shae. Mura manu deh ekjun tho ath sal laka maike taki shae.
Ekta Lebanese security source para Israel laka spy agency Mossad para explosives kan devices laka pitor deh plant kuri shae kui shae. Israel para hoile b pagers puta kan karne responsibility lua nai itia b.Pagers kan naputa agae deh, United States para Israel kan Defense Secretary Lloyd Austin keh kobor ekta janai nah taki shae kui shae. US para Israel kan, Lebanon deh ekta military operation hobo leh ase kui nah janai di shae kui shae, hoile b details kan eku kwa nai kui shae.Iran-backed Hezbolllah para Israel laka against jawab dib oleh kasam kuri shae. Tuita side b Gaza laka war shuru hua piche deh tho cross-border warfare deh basi nah ase.Etu hapta deh hua electronic devices laka hamla tho mohina lamba plan taka nishi nah dikae, kuto Israel para kuri shae, eki lokot deh Hezbollah members kan keh target kuri bo karne. New York Times report isap deh operation tho complex taki shae kui shae aro puila para plan kuri nah ahi ase kui shae.Ekta senior Lebanese security source para Israel laka Mossad spy agency para 5,000 pagers pitor deh bomb kan plant kuri shae kui shae. Kuto Lebanese group Hezbollah para import kuri nah taki shae. Pagers kan tho Taiwan-based Gold Apollo para taki shae, hoile b company para taikan, devices keh manufacture kura nai kui shae. Ekta European firm para taikan keh, taikan laka brand name chub oleh right di shae kui shae.
Add Comment