Hezbollah chief para Israeli attacks keh denounce kuri shae

September 20, 2024: Lebanon aro Hezbollah para Israel keh botnam di nah ase, hezbollag laka communication equipment deh hamla kura karne, kuto para 37 manu keh murai di shae. Israel para hamla deh comment kura nai itia b. Security sources para hamla tho taikan laka Mossad spy agency para kui shae pareh kui shae.“Mukan tho ekta major security aro military blow lokot deh subject hui shae kui nah mui sure ase, kuto resistance laka history deh match kuri bole napari bo,: Hezbollah leader Hassan Nasrallah para taila TV address deh kui shae.“Enaka type laka killing, targeting aro crime tho dunia deh match kuri bole naparibo, Etu halam tho sob red lines keh par kuri shae. Dushman kan sob controls, laws aro morals laka pahar deh jai shae,” tai para kui shae. Tai para etu hamla kan tho war crimes nahoileh war laka declaration ase kui nah b papna kuri bole pari bo kui shae.