Secret Service para taikan Elon Musk laka post kan sai ase kui shae

September 20, 2024: U.S Secret Service para taikan Elon Musk laka delete hua X post tho jani ase kui shae, kuto para President Joe Biden aro Vice President Kamala Harris laka assassination attempts deh kotha kuri shae.“Secret Service kan social media post laka jani ase, kuto Elon Musk para banai shae, Practice laka mamla deh, mukan, protective intelligence laka mamla deh comment nakureh. Mukan etu tho kubo pari bo, Secret Service kan sob damki kan keh investigate kureh kui nah,” Secret Service karne ekta spokesperson para Bloomberg keh kui shae.Musk, kun para first deh joke para message tho post kuri shae, tai para post tho piche deh delete kuri di shae. Itia Secret Service kan post laka records kan jama kuri nah ase, law enforcement purpose karne. Taikan para etu records kan tho open records laws para exempt kureh kui shae, ongoing enforcement proceedings karne.”