New Delhi, September 20 : Cinema te ajikali nutun film laga kaami hoi asey. Aro etunimitey, purana film khan re-release kora laga trend tu deshbhor te chuli asey. Shah Rukh Khan laga 2004 te release huwa film Veer Zaara bi re-release huwa film khan laga list join kurisey . Etu film tu September 13 te re-release hoisiley. Re-release hoikina 7din picheyte, etu film para total 1.57 crore kamaikina etu film laga etya tak duniyabhor te huwa collection ke Rs 100 crore tak pungchaidisey. Etu te etu film laga original collection(kamayi) bi shamil asey jitya para etu film release hoisiley(2004). Etu film tu 282 screen te re-release hoisiley. Etu film first time release huwa homoitey duniyabhor te Rs 98 crore maan kamaisiley. February moina te Valentine’s day laga hapta te etu film ke cinema te aro re-dikhaisiley aro pura puri Rs 30 lakh kamaisey. Etu picheyte, ajikali release huwa te Rs 1.8 crore kamaisey. Etu film laga etya tak laga kamayi tu duniyabhor te Rs 102.60 asey. Etu film ke Aditya Chopra para likhisiley. Aro tailaga baba Yash Chopra para direct aro produce kurisey. Etu film te Shah Rukh Khan laga alava, Rani Mukerji aro Priety Zinta lead role te thakisey.
Re-release huwa picheyte ‘Veer Zaara’ film para box office te Rs 1.8 crore kamaisey
Add Comment