Kiran Rao para koisey Laapataa Ladies Oscars nimitey select hoisey koiley tailaga sapna pura hobo

New Delhi, September 20 : Kiran Rao para 2010 te tailaga debut(first) film Dhobi Ghat logotey ekta bisi bhal filmmaker huwa laga kabiliyat prove kuriloisey. Bisi saal picheyte, tai 2024 te comedy-drama, Laapataa Ladies logotey aro ekbar sabit kurisey. Etu movie tu OTT(online) te release huwa picheyte logalog hit hoijaisiley. Ekta filmmaker hoikina tai para direct kora second film para morom aro admiration paithaka tu dikhikina Kiran Rao para bhabna korey ki etu film ke Oscar nimitey India laga official nomination te consider kuribo lagey. PTI logotey kora ekta interview te, Kiran Rao para koisiley ki tai para  Laapataa Ladies ke 2025 Academy Awards te entry pabole akha kuri asey. Tai para koisey, “Judi etu Oscars te jaisey koiley, amilaga sapna pura hoijabo.’ Hoilebi, etu filmmaker para etu bi koisey ki etu tu ekta process asey. Aro tai para akha kuri asey ki tailaga etu film ke lobo. Etu koikina, tai para koisey ki tai sure asey ki best film jabole asey(Oscars te). Film Federation of India (FFI) para kuntu film ke chunisey koilebi etu tu best hobo. Etu film ke Aamir Khan, Kiran Rao aro Jyoti Deshpande para produce kurisiley. Etu film te Nitanshi Goel, Sparsh Shrivastava, Pratibha Ranta, Abhay Dubey, Chhaya Kadam aro Ravi Kishan lead role te asey.  Etu film ke Supreme Court te August 9 te dikhaisiley