‘Tai black nahoi’: Janet Jackson para Harris laka racial identity deh kui shae

September 22, 2024: Pop icon Janet Jackson para The Guardian laka ekta interview deh tai claims kan huni shae kui shae, Democratic presidential candidate aro vice president Kamala Harris tho Black nahoi kui nah. Jackson laka comment tho ekta narrative keh support kureh, kuto former president Donald Trump lokot deh associated ase. Trump para agae deh Harris laka black heritage deh question kuri shae. “Tai Black nahaoi kui nah mui huni shae. Tai Indian ase huni shae,” Jackson para ekta interview deh kui shae. “Mui news nasai nah kun bah din deh hui jai shae. Tai lah baba tho white ase kui nah taikan discover kura huni shae,” singer para kui shae. Hoile b interview para taila statement keh correct kuri shae, tai tho Indian aro Black heritage b ase kui nah. Taike US tho ekta colour maike karne ready ase nah nai huda time deh, Jackson para etu kui shae. “Mui etu tho jawab dibo mun nai, kile koile mui husa laka b najaneh. Mui laka papna deh, tuita side deh bia ase. Tuita side b jamala hobo leh ase.”