Rannvijay Singha tu 3 years picheyte Roadies ke host kuribole asey

New Delhi, September 22 : Actor Rannvijay Singha tu 2003 te reality show Roadies nimitey mashoor hoisey. Utu show te jita picheyte, Ranvijjay para etu show ke tailaga nijor laga show banailoisey aro 2021 tak tai etu logotey jurikina thakisey. Etya, tai etu show ke charikina ja laga 3 years picheyte, Rannvijay tu Roadies season 20 kuntu ke Double Cross koikina jana jai, etu ke host kuribole wapas ahibole asey. MTV para olop din ageyte Roadies laga etu nutun season nimitey ekta promotional video release kurisiley. Kuntu te, Rannvijay ke ekta leather jacket pindikina ekta bike cholaithaka dikhisey. Aro Rannvijay ke “Roadie Banega Tu?(Tui roadie hobo?)” kuwa hunisey. Etu nutun season te wapas aha laga bari te kotha kurikina, Rannvijay para enaka koisey, ‘Roadies tu khali ekta show ekla nohoi- ami nimitey etu ekta emotion asey eyu amilaga comfort zone asey, ami ghor wapas ahisey. 20(bis) saal para, etu show tu million opor manu laga haar namana laga passion, himmat aro sapna para bharikina ahia sey. Etu tu ekta platform para bi barikina asey; etu tu pura generation nimitey yaadgar event asey. Personally, etu tu etu desh laga youth khan para khara kora sobkuch laga symbole asey- bahaduri, ambition(iccha) aro haar namana. Ami dhanyabad asey ki ami etu dangor legacy laga hisa hoikina ahia sey. Roadies Double Cross logotey amikhan etu nutun chapter laga suruwat kuri thaka homoitey, ami tu aro ekbar etu kotey bi mehsoos kuribole napara excitement ke aro ekbar mehsoos kuribole rukhibo napara hoisey, utu sapna pai thaka manu khan logotey kun etu journey nimitey jiye.”