Manoj Bajpayee para koisey ki director para taikey khali gorib aro middle-class role hey diye

New Delhi, September 25 : Manoj Bajpayee para nijor ke, tailaga generation laga sobsey izzadar actor majotey ekta banaidisey. OTT (direct internet te show, film khan release huwa) aha picheyte aro ‘The Family Man’ success huwa picheyte, tai tu eman bisi manu laga majotey bi popular hoisey. Critics(film ke judge kora manu khan) aro audience khan para Manoj ke desh laga sobsey versatile(matlab alag alag role kuribole para) actor majotey rate kurisey hoilebi Manoj para admit kurisey ki tai bi stereoptyping(manu khan para dusra laga bari te ekta alag soch rakha) laga sikar hoikina asey. Bombay Times logotey baat-chit kora te, National Award-winner Manoj Bajpayee para tailaga dukh jataikina koisey ki taikey bisi bhak middle-class aro lower middle-class laga role diye aro kitya bi amir manu laga role nidiye. Tai para koisey, “ Gulmohar(2023) laga ageyte tai para ekta amir manu laga role kora tu Zubeidaa(2001) te thakisey. Etu tu Shyam Benegal laga bhabna kora laga tarika thakisey. Tai utu manu thakisey kun ke lagisey ki asli maharaja khan tu Greek god((sabole bisi handsome thaka) thakanai. Taikhan sabole normal thakisey. Veer-Zaara(2004) te, ami Pakistan laga ekta politician laga role kurisiley. Etu te amilaga duita scene thakisey, hoilebi Yashji( Yash Chopra) para amikey etu kuribole joborjosti kurisey. Tai para 2003 laga film Pinjar sa picheyte amikey etu film(Veer-Zaara) te etu role nimitey chunisey.” Manoj para koisey ki dusra fale alag filmmaker khan taikey ekta amir manu dikhabole hoi thakisey. Tai para koisey ki tai para mention kora duijun director(Shyam Benegal aro Yash Chopra) laga alava kun director para bi taikey ekta amir manu nisna nasai.