Netanyahu para UN keh hamla kuri shae aro Israel laka action keh defend kuri shae

September 28, 2024: Friday din deh Israel Prime Minister Benjamin Netanyahu para United Nations General Assembly keh address kuri shae aro Israel kan peace bisari ase kui shae. Tai para Israel kan “savage dushman” laka against taikan laka life karne kili ase kui shae, kun kan country keh kotom kuri bole mun jai.Taila address deh Netanyahu para Hamas kan jabo leh lakeh kui shae aro Israel kan Gaza laka reconstruction deh eku part nalu bo kui shae, kile koile country tho “total victory” naba tak fight kili bole kasam kuri shae. UN laka New York headquarters keh address kura time deh, Israel PM para etu kui shae,” Hamas kan power deh taki leh, taikan regroup kuri bo aro Israel keh hamla kuri taki bo. Etu karne Hamas kan jab oleh lakeh.”“Mukan nijor keh defend kuri bole lakeh, etu savage murderers laka against. Mukan laka dushman kan khali mukan keh banga bole bisareh. Taikan mukan laka common civilization keh banga bole mun jai. Bangai nai taikan mukan keh tyranny aro terror laka age deh ani bole mun jai,” tai para kui shae.