Stakeholders khan Peace Karne Matishe, Tourism Uthabole

Shillong,September 30, 2024: Alak alak State laga 11 tourism organisations khan milikina,mun dikina Meghalaya laga shanti  toh rakhibole karne aru sob tourism laga stakeholders aru visitors laga bhal nimite. Saturday din te 11 tourism organization khan etu hokum toh loishe Tour Operators Association of Meghalaya khan logote meeting loa time te.  Organizations khan bi hokumdishe ki taikhan mun dikina tourist khan visit kurea time te taikhan ke safety aru security dibole. Etu kotha kurea time te taikhan tourist khan taxi drivers karne duk pai khan, aru main toh  All Khasi Meghalaya Tourist Taxi Association (AKMTTA) para uthaidea karne. AKMTTA khan ke namilai kina alak organizations khan meeting loishe tate Meghalaya Tourism Development Forum, Tour Guide Association Of Meghalaya, All Shillong Tourist Taxi Drivers Union Organizations, Meghalaya Tourist Taxi Association, Federation Of Shillong Tourist Hotels, Sohra Region Tourism Association, Jainta Tourism & Environment Society, Khasi Hills Tourist Taxi Association aru Ri Bhoi Tourism & Environment Development Forum, khan sob thakhishe. AKMTTA  laga demand toh Assam khan laga cabs gari khan passengers loikina tourist spots state khan te loija laga toh rukhai ase. Hoilebi All Assam United Motor Transport Association para Commercial garri khan, hudai lagea laga saman khan Assam para utha khan Meghalaya te gushi bole rukhai dibo koi ase.