October 1, 2024: Actor aro Shiv Sena leader Govinda, tai nijor keh naja nina theng deh mara piche deh, taila first message share kuri shae, fans keh. Ekta audio message deh, Govinda para doctor keh thanks di shae, kun para taike treat kuri shae. Tai para taila fans keh taila gratitude b di shae, taikan laka pratna karne.
Govinda para Hindu deh etu kui shae,” Hello etu Govinda ase, Muila fans, ama, baba aro Isor laka blessings lokot deh mui itia bhal ase. Mui ekta goli para laki shae, kuteh kleh hatai nah ase itia tho, Mui yeteh taka doctor, Dr. Agarwal ji keh thanks di ase. Apni sob laka pratna karne mui thanks di ase.”
Ekta video deh, actor Kashmera Shah, hospital deh aha diki shae. Paparazzi para taike question kan huda time deh, tai para “Eku nahoi” kui shae. Kashmera tho Govinda laka newphew, Krushna Abhishek laka bacha ase. Kun para b etu mamla deh complaint lodge kuri nah nahoi kui shae police para.
Tuesday din deh, Govinda keh Criti Care Hospital deh lui jai shae, tai nijor keh najani nah goli mara piche deh. Incident tho Tuesday din, 4:45 am phale hui shae. Ekta Mumbai Police official para Govinda tho bhal ase kui shae aro jokom tho eman serious nahoi b kui shae.
Add Comment