Manipur Te 3 Manu Murishe Gunfight Te

Manipur, October 3, 2024 : Wednesday din te Officials khan para koishe ki. Duita group majote mati karne jagara kurishe Ukhrul town te ‘Swachhata Abhiyan’  laga part karne.Tate Tinta manu nishina milai kina on-duty Manipur Rifles manu murishe Gunfight te. Etu manu On-duty Manipur Rifles toh murishe , duita group manjo te gunfight ula time te.Etu jamala ula pichete. Prohibitory orders khan dishe aru mobile internet bi bon kuri dishe town te. Yete alak 5 manu ke jokhom kuri dishe koishe.Officials para koishe ki. Mati karne jagara kurea toh. Duita group bi Naga community he ase koishe. Hoilebi duita bi alak alak bosti para ase koishe. Extra Forces khan bi district te joldi anishe. Etu jamala toh thanda kuribole nimite. Etu jamala ula pichete bishi guli marea laga awas bi hunishe koishe. Aru tate tinta manu murishe aru pasta manu nishina jokhum hoishe.Officials para koishe ki. Murea manu toh Worrinmi Thumra, Reileiwung Hongray aru Silas Zingkhai ase koishe. Thumra toh Manipur Rifles para ase. Aru etu force toh state government laga bitor te ase aru tai toh law aru order maintain kuri thakhishe.Duita jokhom hoa manu toh imphal laga hospital te loi jaishe. Aru alak khan toh Ukhrul laga District Hospital te treatment kurea ase.Etu Jamala hoa toh , Three Thangkhul Naga Legislators khan bosti manu khan laga agea  te ahishe. Peace aru etu jamala toh muk para solve kuribole.Ukhrul Sub-Divisional Magistrate D Kamei para koishe ki. Tai letter paishe koishe SP laga haat para. Etu apprehension of law and order laga problem nimite “SocialWork” laga Thawaijo Hungpung Young Students Organisation (THYSO), aru bishi objection paishe Hunphun area te, Hunphun Bosti Authority khan para.