Duita teenagers doctor le murai dishey

Delhi 3oct 2024: 55 year old doctor ke murai dishey kali rati. Delhi Jaitpur te ekta private nursing home te. Kolkata RG Kar Medical College la 31year old doctor la rape-murder case hoina 2months b nahoina. Nima Hospital la kam kura manu khan pra kwa toh duita teenage chokra hospital te rati te ahishey. Ekjun pra taila theng ungli jokom toh dressing change kuri dibi koishey. Etu rati la pichideh din te etu chokra te etu hospital te he treatment dishey. Dressing change kurina taikhan prescription lubo koina DR. Javed Akhtar la room te jaishey.Olop minutes par hoina, nursing staff Gajala Praveen aro Md Kamil bunduk laka awaz hunishey. Taikhan joldi doctor la room jaishey leh doctor ke matha pra khun ulala dikhi paishe.Hospital staff khan pra police ke koishey manu ke murai d manu toh 16-17 years hubo.Police khan koishey etu case toh doctor ke target kurina mara la ase aro kali rati taikhan ahina kiba ekta jamala karne ase.Police khan echa CCTV camera sai ase hospital bitor la. Suspects khan ke janibo nimite.Kolkata la rape-murder case aro doctor khan protest kura karne, Supreme court khan National Task Force shuru kurishey. Ki kuribo lageh doctor khan duty time te safe thakiboleh.Etu incident hwa karne , ruling party Aam Aadmi khan chance paishe centre aro Lieutenant Governor VK Saxena ke bodnam diboleh. Tai law aro ki national capital ki hoi sai. Delhi police khan Delhi government ke report nakurina Centre ke kurishey.Delhi minister aro Aam Aadmi Party leader Saurabh Bharadwaj pra koishey Delhi toh crime capital hoi jaishey. Biya kam kan aram pra kuri ase, bunduk kushi mushi chulai ase aro hotai manu ke murai ase. Central government aro @LtGovDelhi taikhan la kam toh kuribo napareh.Federation Of Resident Doctors Association (FORDA) , doctors  khan la safety karne protest kura la important party pra b huti ase. Doctors khan hospital te kileh eman pra muri ase.