Kolkata 3oct 2024: Junior doctor khan trainee doctor kunke rape aro murai dishey Kolkata RG Kar Hospital te taila statue banaishey. Etu kurina manu bishi kushi napai na ase.Jhamala olaishe statue bana nimite. Medical Facility la Protest kurala junior doctors khan trainee doctor la statue banaishey. Taike rape kurina murai disshey Kolkata RG Kar Hospital te August month te.Statue la nam ‘Cry of the hour’. Etu la matlab toh maiki la gusa or bhui dikhai ase maiki namura la last minute te. Artist Asit Sain pra koishey. Etu Statue to pedestal te dhalishey. Statue toh maiki kanda laka ase enika kurina RG Kar principal office laka osor te lagai kina ase.Junior doctor pra reporters khan ke koishey etu Statue toh victim nahoi. Duk pa la aro bhika laka symbol ase . Protest kura time te pa laka.Hoileh b etu trainee doctor statue hali karne internet te manu bishi kushi panai aro gali ase. Bishi biya aro disrespect ase koina.Ekjun pra koishey statue halibo mon ase koileh kila hoileh b halibi. Hoileh b taila morom duka face laka toh nahalibi. Etu ki ase eman biya ase koishey.Ekjun pra koishey etu kam kura toh kuboleh eku b nai. Manu la duk dikhai ase aro etu b sexually kam kuri dina. Etu letara statue ke toh biya kuri dileh bhal.Trinamool Congress leader Kunal Ghosh b doctor khan ke hala kurihsey etu trainee la statue hala nimite. Tai koishey Supreme court la rules nahoi enika victim khan lala nam or identity toh dikhaboleh.
Bhal manu kun b enika nakuribo. Art ase koina b nakuribo. Protest khan thakibo justice karne. Hoileh b maiki duk te thake la shakal statue toh thik nai. Rules khan ase victim la photo aro statue nachulaboleh. Enika tweet kurishey.Hoileh b Dr Debdutt , RG Kar Hospital pra koishe taikhan eku rules or regulation court la biya kuranai. Etu toh khali symbolic statue ase aro khali maiki te dikha nahoi. Dangor manu khan ke dikhabo mona se ki hoishe aro tai kina duk paishe. Moikhan justice karne echa b jakara kuribo.Junior doctors khan Tuesday pra kam rukhina ase. West Bengal Government khan ke badnam d ase September te promise kura toh nakura nimite. Safety aro Security hospital khan la improve nakura karne. August 9 RG Kar Hospital la trainee doctor ke rape murder karne b protest kuri ase.
Add Comment