Kuki group pra duita Meitei te chari dishey

Manipur 3oct 2024: Duita manu ke September 27 pra dhurina rakhi ase. Taikhan Manipur, Kangpokpi la Kuki-Zomi khan la jaka te gusi ja time te.Din din khota kurina duita Meitei chokra ke chari dishey. Taikhan ke September 27 pra kuki group khan pra dhuri kina thakishey. Etu manu khan kicha Manipur, Kangpokpi district te Kuki-Zomi la jaka te ahishey enika time te dhuri dishey. Thursday morning te charikina Imphal te loi jaishey.Duita manu Oinam Thoithoi Singh aro Thokchom Thoithoiba Singh ke kuki group khan pra Superitendent Police of Kangpokpi ke di dishey morning 5am te. Enika kurina 11 Kuki-Zomi manu Imphal jail te thaka toh Kangpokpi te wapas anishey.Officially Senior Police official S Ibomcha koishey etu duita manu ke chara aro 11 kuki manu ke wapas ana toh ekjun ekjun ke related nahoi. Court pra etu manu khan ke toh 2month pichi pra chari dishey taikhan la jail time khotom hoi kina. Jail SP pra Manipur Police ke jail manu khan nimite te gari phatabi koishey. Taikhan acha ase koina kali kuri dishey.Etu duita manu ke charibo nimite government , Manipur DGP Rajiv Singh aro kuki groups khan tin din khota kurishey.Kuki groups khan Kuki-Zomi manu Sajiwa jail te thaka manu khan nimite te jakara kuri thakishey. Taikhan tadeh pra olop hill area te change kuriboleh. Senior Security official pra kwa toh etu 11 manu kun ke Kangpokpi te loi jaishey Thursday din te. Taikhan toh puila pra Bail hoina thakishey. Hoileh b Meitei khan la jaka te jhamala thaka karne taikhan ke jail pra olaboleh parinai. Senior security official pra koishey etu jail manu khan toh bail hoishey hoileh b situation nimite te olabo parinai. Jail pra hill area te toh jaboleh thakishey. Aro etu hoishe thik timing  aro thik chance pai kina.