Narendra Modi Cabinet para pastha nutun classical languages keh approve kuri shae

October 4, 2024: Thursday din deh Union Cabinet para pastha nutun languages – Marathi, Pali, Prakrit, Assamese aro Bengali keh classical language status di shae. Cabinet para classical languages laka eligibility criteria update kuri shae, Centre laka Language Expert Committee pitor deh.Cabinet decision para recognized classical languages laka number tho six para 11 tak uthai di shae. Agae deh recognized kura kotha kan tho Tamil, Sanskrti, Telugu, Kannada, Malayalam aro Odia taki shae. Information and broadcasting minister Ashwini Vaishnaw para historic move tho Indian laka rich cultural heritage keh preserve kuri bo karne aim ase kui shae.“Itia tak tho notified classical languages deh Tamil, Sanskrit, Telugu, Kannada, Malayalam aro Odia taki shae. Etu kotha kan tho puila para heh classical languages ase kui nah recognize taki shae. Nutun proposals kan tho etu framework pitor deh examine kuri nah ase aro etu eki manner deh future proposals kan keh assess kuri bo, scientific evidence, research aro historical data isap deh,” tai para kui shae.