Delhi 4oct 2024: Monsoon season khotom hoina temperature khan bishi change hui ase country la alak alak jaka te. Hoileh b barish toh rukhinaie chatoh kunba state te. Meteorological Department pra koishe barish bishi hubo Assam, Meghalaya, Arunachal Pradesh, Nagaland, Manipur, Mizoram, Tripura, Sub-Himalayan West Bengal aro Sikkim te October 4 te. Southern Region Kerala nishina Tamil Nadu, Karnataka aro Rayalaseema te toh yellow alert di dishey.
Wednesday din te Delhi la sopse bishi temperature toh 37.2 degrees Celsius thakishey, 3 degree olop bishi normal koileh. Haryana, Sirsa te bishi temperature toh 39 degree Celsius thakishey, Rohtak 36.3 degree Celsius , Jaipur 38 degree aro Churu toh 40 degree Celsius. Toh Jaipur te rati la temperature toh27.2 degree Celsius thakishe, 5 degree bishi normal koileh.
Moonson season jaishey Delhi pra October 2, 2024. Barish rukhina, groom toh Delhi te wapas uthi kina ahi ase. IMC la hisap pra Delhi la sky toh sapha thakibo , chance toh ase enika time te cloudy huboleh. Maximun Temperature bishi bar toh34-36 degree Celsius te mojot te thakibo. Aro Minimum Temperature toh 24-26 degree Celsius.
Forecasting agency skymet weather reports kwa toh olop barish hubo kunba state te 24 hours la bitor te. Assam , Meghalaya, Arunachal Pradesh, Nagaland, Manipur, Mizoram, Tripura, Bangladesh, Andaman aro Nicobar island te barish hubo.
Add Comment