Hindu seer laka remarks karne mob para pator kan pilai shae

October 5, 2024: Hindu seer Yati Narsinghanand Maharaj para Prophet Muhammad laka against “objectional” remarks bana karne ekta mob para police officials laka against pator kan pilai shae aro pila tho 21 police officials keh jokom kuri di shae. Etu incident tho Maharashtra laka Amravati jaka deh hui shae, Friday din deh. Gusa deh taka mob para police keh seer laka against case keta register kuri b kui nah demand kuri taki shae.Police laka isap deh, kom seh kom tosta police vans kan stone pelting deh damage hui jai shae. Stone pelting tho Nagpuri gate police station bahar deh hui shae.“Ekta dangor mob, Nagpuri Gate Police station deh ahi shae, 8:15 pm deh. Taikan, Yati Narsinghanand Maharaj laka against ekta case register kuri bo karne demand kuri taki shae. Police station laka in-charge para mob keh ekta FIE puila para heh register kuri nah ase kui shae. Etu piche deh taikan wapas jai jai shae,: Amravati Police Commissioner Navin Chandra Reddy para media keh kui shae.Hoile b, olop piche deh Hindu seer laka remarks tho social media deh viral hui jah tho, manu kan aro wapas ahi jai shae.“Police officers kan jama kura manu keh kotha kuri bole koshish kura time deh, mob para achanak she police personnel laka against pator pila shuru hui shae. Kun bah police personnel aro officers kan hamla deh jokom kai shae aro police kan mob laka against action lui ase,: Reddy para kui shae.