Maharashtra: Nisha taka driver para motorcycle keh lakai dia tho tuijun keh murai di shae

October 5, 2024: Maharashtra laka Latur-Ausa highway deh, ekta nishi taka driver para jani jani nah taila gari tho, ekta bike deh lakai taki shae kuto ekta kandan bui taki shae. Lakai dia tho ama aro taila chae sal maike bacha keh murai di shae.Police para road rage incident tho September 29 din deh hui shae kui shae. Taikan para incident tho tuita driver laka beach deh taka jamala para shuru hui shae kui shae, rasta deh bhal para behave nakura karne.Sadiq Sheikh, kun taila maike, Ikra aro taila tuita bacha, Nadia (6) aro Ahad lokot deh ride kuri taki shae. Ride kura time deh, ekta fast jah gari para taikan keh taki di shae, police para kui shae.Accident tho hua piche deh, Sadiq para driver keh bhal para chula b kui shae. Hoile b etu para jamala olai jai shae. Enaka hua tho Irate driver para Sadiq keh agae jabo di shae. Olop taki nah, tai jani jani nah bike keh pichae para lakai di shae, India Today para report kuri shae.Police inspector Sunil Rajitwad para incident hua time deh pastha manu gari deh taki shae kui shae. Sob pasjun keh arrest kuri di shae aro alak alak offenses lokot deh charge kuri di shae.