Premier League: Liverpool tho rasta keh lead kuri ase

October 6, 2024: Arne Slot para taila first 10 games para nine wins laka ekta Liverpool record keh earn kuri shae, club tho English Premier League laka top deh taka piche deh. Diogo Jota laka ninth minute goal para Crystal Palace keh harai di shae. Aro International break deh jah time deh rival managers, Manchester City laka Pep Guardiola aro Arsenal laka Mikel Arteta lah nichae deh sabo kui nah ensure kuri di shae. Four time defending champion City tho second deh ase, Fulham keh 3-2 score deh harai di shae piche deh. Third place Arsenal tho Southampton laka against 3-1 jiti shae. Anfield great Jurgen Klopp para chari dia void tho Slot para aram see cover kuri ase aro club laka history deh kun b taila opening games kan eman bishi tho jita nai. “Hoi bishi satisfying ase. Aro Liverpool lokot deh kiman bhal mangers taki shae, etu jani shae koile tho aro special ase,” Slot para kui shae. “Hoile b mui jua hapta deh kiba ekta kui shae. Mui para taikan khali muike etu karne yat nakuri bo kui nah hope kuri ase kui shae. Mui etu lokot deh deh aro special kam kan kuri bole hope kuri ase.”