Govt khan tomato kg te 65 ruppes te bikabo

Delhi, 7 Oct 2024: Dam change kura tomato khan toh Delhi la alak alak jaka te pabo. Krishi Bhawan, CGO complex , INA market aro alak bishi jaka te.

Government khan tomato la dam 65ruppes kuribo ase ekta kg te aji pra. Kina manu khan olop aram pabo festival time etu karne. Senior Government official pra koishey.

Etu kura la main kam toh tomato la dam stable kuribo nimite ase. Ekbar toh 100ruppes per kg thakishe. Alak jaka te toh etu koileh b bishi thakishey.

Etu dam komti tomato khan toh Delhi, Noida, aro Gurugram la National Cooperative Consumers Federation of India Ltf’s(NCCF) lvans te pabo.

Union consumer affairs secretary Nidhi Kahre pra etu scheme launch kuribo. Enika kurina alak jaka sop te jabo. 2023 time la nishina, tomato khan la dam 250 per kg hwa nishina.

Sobji la dam khan September pra bishi change hoi ase. Tadeh onion aro potato khan la dam olop uthi ase. Etu second time hoi ase government khan bij te ahina enika tomato bika toh. Centre khan July 29 te b enika kurishey. Tomato la dam 80-100 ruppes tak uthishey, eni time te tomato toh 60ruppes per kg te bikai thakishey.