Maharashtra, 8oct 2024: Indian’s Olympic bronze medal shooting te Swapnil Kusale la baba Maharashtra la government ke 5 crore demand kurishey , ekta flat aro shooting arena.
Suresh Kusale , shooter Swapnil Kusale la baba taila apsus dikhaishey Maharashtra government ke. Taila bacha this time la Olympic te jitikina puisa komti pa nimite. Kolhapur la manu Swapnil toh India la 5 medallist pra ekta ase. Tai Paris Olympic te Bronze jitishey, 50m rifle te.
Pune te press ke khota kurishey. Suresh Kusale koishe taila bacha khali 2 crore prize money paishe government pra taila bronze medal karne. Aro hutishey kileh etu eman komti ase alak Haryana la manu khan koileh. Haryana Government khan 5crore de medal jita manu khan ke. (Haryana khan gold medallist khan ke 6 crore de, silver khan ke 4 crore aro bronze khan ke 2.5 crore) . PTI ke koishey.
Haryana khan 5 medallist pra 4 medallist banaishey. Tadeh pra Neerja Chopra silver jitishey Men’s javelin te. Manu Bhaker duita bronze medal anishey ghor te.
Add Comment